ტურისტებმა სვანეთის ულამაზესი სურათები BoredPanda-ზე გამოაქვეყნეს

უკრაინელი ტურისტი იური იგნატოვი სხვადასხვა ქვეყნებში მოგზაურობს. მისი ბოლო გაჩერება საქართველოს ულამაზესი მხარე - სვანეთი იყო. აღფრთოვანებულმა მოგზაურმა შთაბეჭდილებები და მოგზაურობისას გადაღებული საუცხოო პეიზაჟების სურათები Bored Panda-ს მკითხველს გაუზიარა.

"საქართველო თვალწარმტაცი ქვეყანაა, თბილი ხალხით და გემრიელი ადგილობრივი კერძებით. სვანეთი მისი ყველაზე მშვენიერი მხარეა. ის ტურისტებისთვის რამდენიმე წლის წინ გაიხსნა და მისი პოპულარობა უფრო და უფრო იზრდება. კავკასიის მთები დაუჯერებლად ლამაზია. იქ უამრავი სალაშქრო ადგილია და ყველაფერს თავისი ისტორია აქვს. სვანეთში შეხვდებით X-ე საუკუნით დათარიღებულ კოშკებს და ევროპის ყველაზე მაღალ დასახლებას - უშგულს.

მე და ჩემი მეგობრები ყოველ წელს 3-ჯერ ან 2-ჯერ მაინც ვსტუმრობთ სვანეთს. ეს ადგილი მთელი გულით გვიყვარს. გადაავლეთ თვალი ჩვენს სურათებს სვანეთიდან" - წერს იური იგნატოვი.