მეცნიერებმა პირველი სუპერ-თხელი უჩინმაჩინის მოსასხამი შექმნეს

უჩინმაჩინის მოსასხამის ჯადოქრების სამყაროდან "მოტაცება" და ჩვენსაში გადმოტანა იმაზე რეალური ყოფილა, ვიდრე გვეგონა.

University of California, Berkeley-ის მკვლევარებმა პატარა ნივთი ულტრა-თხელი მოსასხამის გადაფარებით "გააქრეს". მოსასხამის სისქე 80 ნანომეტრია. ისტორიაში პირველად, მეცნიერებმა თავიანთი ტექნიკით მიაღწიეს ამ ილუზიას.

აქამდე, უხილავობის ილუზიის შექმნას მეცნიერები შედარებით მოუხერხებელი დიზაინის მქონე გამოგონებებით ახერხებდნენ. ეს მოსასხამი კი უთხელესია და შეუძლია მჭიდროდ შემოერტყას ნებისმიერ ნივთს და ყოველმხრივ დაფაროს და დაიცვას ოპტიკური დეტექტორისგან.

მოსასხამი შედგება თხელი, ოქროს აგურით ფორმის, "ნანოანტენებით", რომელიც უზრუნველყოფს სინათლის ტალღების გადამისამართებას ნივთიდან, რომელსაც ის ფარავს. მოსასხამი 2D-ს წარმოადგენს, ამიტომ მას შეუძლია 3D საგნების დაფარვა.

კვლევა journalScience-ში გამოქვეყნდა სათაურით "სინათლისათვის შეუმჩნეველი ულტრა-თხელი უხილავი მოსასხამი".

ამ მოკლემეტრაჟიან ვიდეოში, რომელიც ბერკლის უნივერსიტეტის ლაბორატორიიდან ატვირთეს, ვხედავთ, რომ გააქტიურებულ მოსასხამს შეუძლია ნივთის დაფარვა და  მისი უხილავად ქცევა.