მეცნიერებმა ლაბორატორიაში ადამიანის ტვინი შექმნეს

პირველად ისტორიაში მეცნიერებმა შეძლეს თითქმის მთლიანად ფორმირებული ადამიანის ტვინის შექმნა. ტვინი დაახლოებით საშლელის ზომისაა და 5 კვირის ემბრიონს მოგვაგონებს. ის შეიცავს ადამიანის გენების 99%-ს.

მეცნიერები იმედოვნებენ, რომ ტვინი შესაძლებელია აღმოჩნდეს გადამწყვეტი იმ დაავადებების კვლევაში რომლებიც განვითარების პათოლოგიების გამო ვითარდება. მინიატურული ტვინის შექმნის დროს მოპოვებული ინფორმაცია ასევე დაეხმარება ისეთი დაავადებების კვლევას, როგორიცაა ალცჰაიმერი, პარკინსონი და აუტიზმი. 

ტვინი ოჰაიოს სახელმწიფო უნივერსიტეტის მეცნიერებმა შექმნეს. პროფესორი Rene Anand განმარტავს: "აქამდე თაგვების ტვინი იყო ყველაზე ხელსაყრელი კვლევებისთვის, რადგანაც მღრნელების და ადამინის ტვინი ჰგავს ერთმანეთს, თუმცა მაინც არსებობს ფუნდამენტური განსხვავებები, რაც მეცნიერული კვლევის არეალს ავიწროვებდა."